【肥波去街街】第一次食龍門冰室
#自費 #非廣告 #瓏門冰室 #龍門冰室
龍門冰室啲嘢真係令人食完一啖想再食第二啖，
我哋只係叫咗兩個餐，
已經有唔少伏嘅元素係伏到令人難以置信，
差唔多樣樣都要食多啖嚟confirm係唔係自己條脷有問題。
我哋叫咗：
食肉獸雜扒套餐 HK$68+凍飲HK$3
-白湯🍲有洋蔥粒，有沙嘅洗碗水咁嘅口感，稀到不可思議，算係我飲過最難飲嘅白湯，無之一
-巨切吉列豬扒🐷大塊，正常唔太好食嘅茶餐廳咁嘅level，厚粉，無臭味，可以食用無問題
-西冷牛扒🐂薄同韌得嚟肉有啲霉，食落有明顯羶味，羶到連滑嘟嘟都食唔到
-芝士汁🧀未食過咁撚嚡嘅芝士汁，有芝士味得嚟唔點知解可以溝到陣一啲都唔吸引而且臭臭哋嘅芝士味，食落有嚡口起沙嘅感覺，配埋嗰啖牛扒咁食，發現臭原來有另一種層次
-白飯🍚無生骨，不過好乾無飯香，算係正常唔太好食嘅茶餐廳嗰啲白飯，不過係黐住牛扒啲飯羶撚咗
-凍啡少甜🍷茶餐廳嚟講唔算最難飲不過都幾難飲嘅啡底
玉子燒常餐 HK$48
- 沙嗲牛麵🍜牛肉份量多，無乜沙嗲味，牛肉非常韌同嚡，湯難飲，麵未熟透好硬
- 黑松露雜菌芝士玉子燒🍳煎起大大嚿，菇有菇嗰陣霉味，黑松露醬之中都幾難食感覺仲臭臭哋，加埋啲唔好食嘅芝士係一陣複雜嘅臭味，想淨係撩啲蛋嚟食都唔撚得，因為成嚿嘢都有嗰陣臭味，我咁鍾意食蛋都食唔落
- 煉奶多士🍞兩片三角厚多士，包本身唔算鬆軟有啲乾硬，好彩烘過加埋必勝嘅煉奶呢part叫好正常
- 熱華田☕正常水平，感恩！
呢個價錢，只係講份量係抵嘅，
不過呢個難食嘅程度真係太難忘、太難以置信，
我哋兩個都無食晒啲嘢做咗大嘥鬼，
至少有一半嘅嘢都剩返喺度，
因為真係唔止「唔好食」咁簡單…
我哋食完、埋單，
出門口見到排隊入去食嘅人龍，
我沉思咗幾分鐘…
之後，
我哋去咗第二間食飽啲先返屋企。
第一次食龍門就係咁喇，
應該唔會有第二次，
因為真係伏得非常出色。
（龍門冰室：荃灣路德圍8號地鋪）
吉列豬扒 在 吉列豬扒飯（附食譜） | Recipe 的八卦
Dec 26, 2017 - 吉列豬扒飯（附食譜） 吉列豬扒飯（附食譜） . 香港人吃快餐已成為習慣，返工的時候吃，已成為定律，即使放假行街吃飯，也只能行色匆匆，務求用快靚正 ... ... <看更多>