【超中伏大陸美食團】超mean香港人同場加映
話說聖誕節原本同阿媽join咗團去台灣玩，點知突然第三日有事去唔到咁多日，於是旅行社畀我哋轉去其他同等價錢以下嘅團，由於時間太趕冇哂選擇，於是就join咗一個仲有好多位剩嘅大陸美食團。
美食團第一個景點係去咗一個賣藥嘅地方，入咗個房之後，有個聲稱係中醫嘅女人就開始說我哋買嘢，講到啲藥幾有功效，死都救返生等等，然後仲有啲sample、藥膏、養生茶畀我哋即場試下。可惜，雖然佢花咗咁多唇舌，最後都冇咩人買。於是我哋上返架旅遊巴啦，點知有幾個藥店啲人上埋架車sell，佢哋隊埋件貨喺你面前叫你買，但都冇咩人show佢哋，如是者咁樣sell咗10分鐘，有香港人忍唔住出聲：「要買就一早買咗啦！成點喇！我未試過成點都未食飯㗎！捨得開車未呀？」「離哂大譜㗎……食飽咗先叫我食嘢我都鋸啲吖……餓住個肚喺度聽你廢蹹……」
好啦兩點幾終於去買第一餐，有雞有鴨嘅，但其他都係啲白菜呀、豆腐、瓜，隻雞仲要係凍嘅，然後啲飯係一個鐵兜裝住畀大家兜。然後有個香港女人見到，就話：「哇，餵豬呀？」佢老公就話：「有得畀你食咪算好囉……」
食完飯又去一個景點，導遊吹到話係一個文化遺產嘅古鎮，大家都相當之期待。旅遊車揸咗個幾兩個鐘差唔多到，啲香港人又開始出聲：「哇，山卡啦嚟嘅？」一望出窗，一片荒地，條路仲要勁窄到得單線行駛。另一個香港人：「做咩車我嚟呢度呀？睇爛地呀？」導遊話：「我哋喺度參觀半個鐘，半個鐘返嚟集合。」香港人：「唔那係呀？半個鐘？半分鐘得啦……返酒店啦我哋。」
一落車，有啲村民喺地下度擺檔，賣下啲山草藥材，周圍其他都係冇咩農作物嘅耕地，仲有啲一潭死水嘅池塘，再行前少少就見到有啲好傳統嘅屋，掛滿哂啲蠟鴨，啲香港人見到：「咩呀？帶我嚟睇蠟鴨呀？」「我唔好去返香港圍村！」
好啦，睇完呢個好值得睇嘅古跡之後，我哋終於返酒店，呢間酒店係一間溫泉酒店，夜晚仲有一個幾出名同埋幾知唔知佢乜水嘅明星表演添！而夜晚嗰餐係OK嘅！
到咗第二日食完餓狗搶屎嘅自助早餐，上到車香港人又圍埋開始投訴：「哇，呢個團下次應該執L咗㗎喇。」「室外溫泉？室內青苔就有！」「間房啲熱水忽冷忽熱嘅？」「啱囉，十足你咁樣囉，忽冷忽熱……」佢哋你一言我一語，導遊上咗車同唔喊唔淡嘅廣東話：「各位早晨，等我介紹下今日嘅景點先……」香港人：「係咪返香港喇？」導遊：「我哋而家會去寶珠城……」香港人：「哇，又水我哋買嘢呀？」
之後成日嘅景點，全部都係入一間房，然後有人係咁sell你買嘢，唔買再上旅遊車sell。最後個導遊話：「希望下次見～」香港人：「睬過你呀！下次見？除非我傻咗啦！」
好感激呢個團令我喺2017仲有幾日就完結之前，有機會中埋本年度最勁嘅伏。作為一個本身好唔鍾意人哋乜都投訴嘅香港人，今次聽到啲香港人投訴，簡直句句都中哂我心聲，直插我心坎。香港人mean到爆嘅投訴聲，簡直可以圍繞地球三日，再傳遞到宇宙邊端。好多謝我啲團友，可以喺伏味濃嘅環境，仲保持到一個mean嘅高亢姿態，令整個伏味加添咗唔少趣味。如果要搞一個全球最mean大獎，我一定會投你哋一票，冠軍你哋當之無愧。其實，mean都只不過係對你任何事情都有要求！香港人，I am so proud of you！
台灣 大陸美食 在 陸妻三年沒回家了，意外在台灣吃到地道家鄉小吃 - YouTube 的八卦
... gmail.com #在 台灣 地道的 大陸美食 # 大陸美食 在 台灣 #我們倆RickyNina#陝西肉夾饃#廣西螺螄粉#螺螄粉#煎餅果子#肉夾饃#陝西涼皮#大陸地方小吃在 台灣. ... <看更多>