【在香港活著很荒謬】
網上見到有個伯伯用胸圍做口罩；有個肥仔戴住個細路口罩，大半塊面露咗出嚟，下面就有啲留言苦中作樂地笑笑下。公關仔真係一啲都笑唔出。其實呢兩個被瘋傳相嘅人，現實中可能係好努力去買口罩，但一個都買唔到。抗疫期間，有口罩用邊個唔想用個好嘅，防護力最強嘅？
頭先見到有社工share，有個伯伯坐輪椅唔方便去買口罩，想坐車去覆診，無口罩司機唔俾佢上車。伯伯唯有喊住係垃圾筒搵個用過嘅口罩袋住用。基層清潔工，在後巷洗掠用過嘅口罩；大家會話佢哋唔識野，口罩唔可以重用。但設身處地，你估佢哋想架咩？
北韓一早就封關、菲律賓遣返來自武漢嘅航班。香港人，以前你點會諗過會羨慕北韓菲律賓？
即使依家home office，但大家都無心工作，將心力花晒係網購口罩，為咩？不論黃藍，香港人挨貴租貴樓貴開支，努力返工搵錢，希望安居樂業，邊個攪到香港人連買個口罩都買唔到，冒住寒風凌晨排隊買口罩咁慘？ 好多黑心口罩流出市面，又要搶又怕買錯，香港人日日擔驚受怕，邊個攪到我哋咁慘？
係個仆街政府。
喺香港人唔夠口罩用，為香港人左撲右撲口罩嘅，係本地小店 AbouThai 阿布泰國生活百貨 同 程班長台灣美食，仲有一眾港人經營嘅網上小店。港人努力自救，政府死咗去邊？
當醫護要罷工迫政府封關，政府用道德綁架醫護，叫佢地緊守崗位。但政府何嘗有緊守崗位，為香港人把關？
想當年SARS，見住其他地方嘅醫護逃走，但香港醫護緊守崗位，同香港人攜手打仗，點解今時今日要罷工？係因為當年患病嘅，大部份都係香港人。香港人同舟共濟。香港人經歷過SARS一役，知道呢啲傳染病嘅破壞力。
依家？10個確診嘅都係大陸逃走落嚟香港嘅人，剛剛仲話確診果兩個仆街夫妻，仲要唔合作，唔肯講俾人聽去過邊，連幫你倒截源頭嘅責任都唔做，就要香港醫護拼咗條命去醫佢？
#香港人好悽涼 #支持醫護罷工 #寫寫下唔知寫咩只係又嬲又傷心 #有多口罩嘅關心下身邊嘅長輩同埋基層朋友 #香港人我哋互相頂住 #果啲咁嘅黑心藥房咪諗住疫情過咗就無事香港人一世都記住你
台灣胸圍香港 在 台灣內衣CUP灌水灌很大 - Mobile01 的八卦
罩杯上胸圍－下胸圍. A 12~13㎝ B 14~16㎝ C 17~18㎝ D 19~20㎝ DD 21~22㎝ E 23~24㎝ 若是我以國外的尺吋來看，我只有B而已 那這樣台灣的內衣尺吋 ... ... <看更多>