大家好，回港了。
離開超過大半個月，去完澳洲台灣再去美國，無辦法在地同大家一齊，遙距睇住新聞其實好辛苦，同埋走得耐實在有少少脫節，會儘快追返大家嘅節奏，俾少少時間我🙌🏿。
另外關於612，明白亦知道大家最近好多疑問，當中亦有好多誤導嘅訊息，而家返到嚟可以盡能力逐一講解吓。作為五位信託人之一，我都要講聲唔好意思，因為人在外地跑來跑去實在跟唔切，無辦法即時回應大家提問很抱歉。之前唔係唔答，而係實在太多疑問以及不實資訊唔係三言兩語可以解答曬，而要同大家坐低慢慢一樣一樣講。
因此，我地今個星期三晚九點，將會喺612人道支援基金 612 Humanitarian Relief Fund 同我個FB 開個Live Q&A，希望可以一次過正面解答大家嘅疑問。到時另一位信託人許寶強同埋本菇將會代表回答大家嘅問題，務求令各位捐款朋友可以得到最正確嘅資訊及答案。詳情請留意612 FB Page嘅公佈，大家到時亦可以預先喺嗰邊嘅comments度留低你地想查詢嘅問題。
絕對明白大家對眾義士嘅支援非常緊張及心急，我地絕對同大家一樣咁緊張同心急，同事們日以繼夜處理支援個案，希望可以幫到最多人。同大家預期有落差我地一路盡力改善緊，有咩可以做得更好到時請多多建議及指教。Live時亦會update支援進度及最新總金額、分享我地作為法定trust fund操作上有咩限制，令大家多啲理解基金運作，提高互動及透明度。
感謝各位，星期三見。🙏🏿🙏🏿🙏🏿🙏🏿
