幸福嘅愛情，可能要學識妥協。
「唉，我知妳好辛苦⋯」每次女朋友放工番嚟，我都會咁樣同佢講。
而佢攰到講咗句：「唔辛苦呀！」就攤咗落床，有時一瞓就幾個鐘，6點瞓到9點幾先起身。
同樣咁攰嘅我，當然都喺佢隔籬，一齊昏睡直至晚飯。
每日嘅人生，除咗番工之外，就好似只係剩低「攰」，同「好鬼攰」，除咗瞓覺之外，就咩都唔想做。
「仲記唔記得，以前嘅我哋係點？」間中，我會問自己、問女友。
女朋友以前鍾意做好多嘢，會做啲小手工、會織頸巾、會整甜品、甚至每一晚都會親手煮飯畀我食。人生未必叫多姿多彩，但仲會有時間做自己鍾意做嘅事，自得其樂，好幸福。
而我都會做運動、睇好多想睇嘅書同戲，寫好多自己喜歡嘅故事。
「除咗呢啲呢？仲有啲咩『大事』你想做？」佢問。
我：「即係夢想？」
佢：「都係一個名啫，你講嚟聽下先！」
我：「咁梗係自己寫嘅故仔，終有一日可以拍電影啦！」
佢：「唓！你都冇寫，次次都爛尾⋯」
我：「唉⋯我都唔想。」
輪到女朋友，「我就想開間手作店，入面會賣我整嘅嘢食，喺外國尋寶番嚟嘅飾物⋯仲可以賣埋你啲書！諗起都好開心！Dream Life！」
每個人都有自己想追求嘅事，但到咗某階段，為咗追求「將來」，你不得不忘記過去，放棄現在，夢與想最終都要丟低很遠。
「值得咩？」女朋友會反問番我、同佢自己。
女朋友同我一齊伸伸懶腰，我再概歎：「已經唔需要諗值唔值得，照顧妳已經係一個責任。」當然，唔係消極嗰隻負責，而係真心希望承擔一切。
為咗將來，兩個人到底要付出幾多？
我唔敢計，因為計親，都一定係負數。
暫時嘅妥協，只係為咗解決眼前嘅問題。
夢想呢刻要放低，但有日都可以再拎番起。
互相支持，最後都會到達終點。
【後記】妥協定唔妥協，存在好多掙扎，就好似 ViuTV x 朱凌凌 JUICYNING 嘅最新自家劇《午夜伴廊》，一班樂隊各為咗挽救要執笠嘅歌廳，喺錢同夢想之間作出選擇。
笑中有淚，認真地幽默， 4月3日起，星期一至五晚 9:30 播映。
即睇《午夜伴廊》含淚爆笑片段：http://bit.ly/2oc5Qmd
------------------------
睇完文記得撳個Like呀！唔係FB會以為你唔想再睇文，以後我就會「被過濾」，唔會再出現了。
FB: 莎比亞
*** 八卦先好ADD嘅私人FB AC: sapeiar ***
Follow IG睇獨家sweet相: sapeiar
