【加固分享長文】
1. 現時飲食方案：早餐奶-> 返瞓->早餐糊-> 午飯粥仔->下午奶-> 瞓晏覺->晚飯粥仔-> 再瞓-> 夜間全奶
2. 喺眾多嘅加固方案裏面，我仍然選擇咗最傳統嘅spoon feed ，原因好簡單，因為「臣妾做不到」。加固初期只有我一個照顧佢，屋企仲有兩隻貓，食完飯嘅場景真係不能夠太混亂，但係一般正常洗碗係可以嘅，因此我選擇咗一個我handle到嘅方案。
3. 加固極初期全部食 HiPP HK 嘅輔食，米糊、粟米糊、士多啤梨cereal、蘋果cereal等等，因為你唔知佢食幾多，亦都行唔開，所以加少少奶就食得，份量隨時可以調整，亦都冇儲存嘅問題係非常好，開頭可能真係食幾啖就唔肯食要飲奶。留意番米糊嘅品牌好重要，因為好多都驗出含重金屬。
4.我係好保守嘅，新鮮食物試好耐先至加第二樣，因為驚佢敏感，米糊食慣咗之後我就會加啲南瓜、香蕉、番薯（唔肯食），但係仍然係同一個米糊底
5. 跟住係時候入手一部 Beaba HK ，因為佢可以試多啲唔同食物了！我會用薯仔做個糊底，攪啲椰菜花、西蘭花等等進擊的蔬菜餵佢食。相信唔使我介紹大家都知道呢部機可以一次過蒸熟絞碎，到而家佢開始食肉，但係仲未食到免治(會發脾氣），我都可以用來絞碎俾佢。
6. 講起食肉，就要講吓粥仔，最初期嘅粥仔都係加啲蔬菜蓉、紅蘿蔔茸等等，但係到加瘦肉嘅時候，最初可以切片，煲好嘅粥就夾返起啲肉，淨係以肉汁嚟煲粥，後期就可以攪埋啲肉俾佢食，而免治嘅質感暫時係佢最討厭嘅。
7. 如果你問我下一步，相信spoon feed嘅弱點就係小朋友未必懂得自己進食，所以我又開始物色唔同嘅BB匙羹，要開始教佢自己用匙羹食，希望一歲左右做得到。
其實新手媽媽個個都跌跌碰碰，我好幸運有伯娘幫手，最近亦都有遮遮喇真係輕鬆啲，你哋喺加固路上又有冇遇到啲咩問題呢？
Babycook Beaba HK from
Mothercare Hong Kong
加固分享 在 【思家廚房】加固初期分享 適合六至九個月嬰兒 ... - YouTube 的八卦
INSTAGRAM ♥︎ mingszee➡️ https://www.instagram.com/mingszee/INSTAGRAM(羊羊) ♥︎ babysheep➡️ ... ... <看更多>