唔知係我錯覺定點，自從阿太開咗👉🏻阿太日常👈🏻呢個Page，而且個反應仲唔錯之後，我覺得佢對我啲態度好似囂張咗咁。
例如，我喺機場返屋企嘅途中話：
我：「肚餓呀，返到去煮啲嘢嚟食下吖喂。」上機之後瞓足全程，再加上行開咗個幾禮拜，個胃有啲思鄉。
太：「好呀。」
我：「你唔問下我想食咩嘅？」
太：「幾點呀而家，雪櫃有咩就煮咩啦！」
唔......以前好似唔會咁冷淡㗎噃。
返到屋企，唔，幾好幾好，佢整我鍾意食嘅「香葉肉碎炒飯」。(呢個睇起嚟簡單，但食落真係好味不得了，遲啲叫佢同大家分享食譜)
我：「冇見咁耐，點解你好似冇咩同我講咁嘅？」
太：「煮緊嘢呀，一陣先玩啦！」
乜同我傾計係玩㗎咩？以前都唔會咁㗎......
好，算，食飯。
一貫水準，好食！
我：「咁夜食成個飯，怕唔怕唔健康呢其實......」
「又係你自己話要食嘅，」佢好似有啲動咗殺機：「又要食又要怕唔健康，咁即係點呢？」
哦，又係我錯 - 以前都唔係咁嘅。
不過，當我入廚房斟水，見到佢用嘅原來係 #刀嘜金裝健康葵花籽油 嗰陣，就立即放心晒。我個營養師朋友話呢隻油含有豐富單元不飽和脂肪酸，有效降低壞膽固醇之餘仲可以提升好膽固醇嘅水平，特別適合關注心臟健康嘅人；我成日做運動都係為咗維持健康嘅身體啫，而家配合埋飲食，效果咪事半功倍囉！
雖則佢最近係就係串咗啲，不過講到底，都仲有為我健康著想嘅🤣
刀嘜 在 刀嘜| 百佳網店 的相關結果
即睇刀嘜超過33件產品, 包括亞麻籽油、油和米、麵、油、烘焙! ✓全場15000+件產品✓買滿$500免費送貨✓網店獨家優惠✓超過200個自取點. ... <看更多>