搭地鐵。聽見兩個看來七、八十歲的阿伯聊天。A向B展示手機影片。
A：「你睇吓，啲後生仔包圍警察寫字樓呀！有線新聞影到，你睇咗未？報新聞個記者話班後生仔欄住唔准救人，入面有好多傷者！有大肚婆、老人家，哎呀咁野蠻係都要欄住人地送去醫院！」
B：「我都睇到新聞話啲後生仔收咗錢呀，唉依家啲細路……」
我(深呼吸，微笑，記住微笑)：「唔好意思呀伯伯，其實嗰條係假新聞嚟㗎。」
阿伯O曬嘴。
A伯：「寫住有線新聞㗎喎！有標誌㗎喎！記者係咁講──」
我用手機上有線官方FB專頁，直接讓他們看「有線新聞聲明」：「本台發現，有人在社交媒體，擅自使用有線新聞昨晚在警察總部外的直播畫面，自行配上旁白，使人誤以為是本台的報道。有線新聞對這種蓄意誤導公眾的侵權行為，保留一切追究權利。」
A伯：「假嘅？！吓？我班晨運友屈sap畀我㗎喎！我同佢地識咗好多年，點會呃我呀......」
我：「佢地冇心呃你，係佢地俾人呃咗。依家好多假新聞，最好睇多幾間……」我讓他們看另外幾間傳媒的報道。「示威者冇唔准傷者出入，係警察唔開門。不過你哋唔好信曬我，最好睇多幾間傳媒，直接去睇佢哋官方Facebook，唔好淨係睇WhatsApp收到嗰啲呀。」
B伯：「怪錯好人喇。」
A伯唔出聲，好似有啲唔開心，有啲失落。餘下的車程，我們都沒有再說話。在沉默裡，我feel到阿伯散發出來的失落，彷彿能理解一點點他的感受。活到差不多八十歲仍分不出這個世界的真假，怎不教人失落？
我做小學生就開始問，到今天仍在問，如果我八十歲未死相信依然在問──點解呢個世界咁多壞人？身為警察點解可以瞄準平民的頭來開槍？一個後生仔點解要做「鬼」，拍片教人批鬥父母？點解林鄭咁無恥？點解李家超連「警察制服冇位放警察編號」都講得出？……今年六月，香港史上最多粗口的一個月，香港人經歷了連粗口也不足以形容的荒謬，問了又問：呢班人，呢種事，點可能做得出？
利益。為了權力、面子、錢，做盡傷天害理的事。但有些人做壞事並不完全為了利益，他們是真心相信自己在行正義，病態心理學可以提供部分解說，另有些人的性格、智商會令他們比較容易受騙。
人嘅range，好闊。這是我個人的體會。「闊」成怎樣？闊到足以打破年齡的標籤，即是說，原來這個世界不只有廢青，也有光明磊落、勇敢上進的年輕人；原來世間不只有廢老，也有為學生擋催淚彈的年長真英雄。我在地鐵遇到的兩位阿伯，也是講道理的，只是被假新聞蒙騙而已。這場「六月風暴」，提醒我們原來人不用年紀來分，而是用心地來分。
冇心 在 冇心禾子系列真無線藍牙耳機(MP-2)詳解使用心得(夾娃娃 的八卦
冇心 禾子系列真無線藍牙耳機(MP-2)詳解使用心得(夾娃娃、娃娃機、打台、Claw Machine、UFO Catcher). 1,194 views1.1K views. Premiered Aug 8, 2019. ... <看更多>