Search
每朝返工的時間都係分！秒！必！爭！
尤其最近日日都要見到腦細
遲半秒都會被佢發現！
喺咁大壓力嘅情況下
如果朝早入閘時先發現八達通負錢
就要嘥多大嗱嗱成分鐘去增值
好彩宜家有八達通App
早啲可以check定八達通夠唔夠錢
唔夠可以過錢即刻增值添～
喺八達通App嘅轉數快成功設立電子直接付款授權(eDDA)，仲即刻送$20畀你買埋個早餐返公司慢慢嘆～
嗱早餐錢：https://bit.ly/2HJl2jI
#20蚊獎賞 #OctopusApp #八達通App #轉數快 #FPS #eDDA #octopus #八達通
我咁樣用八達通
文：薯伯伯
唔同人對「八達通」有唔同睇法，好正常。
但我自己個做法係，平時消費，唔用八達通，只用現金或信用卡。
去黃店，用現金，唔駛佢哋畀銀行手續費。
去勁大型兼算係有良心嘅連鎖店（唔講名，但心裡明白），用信用卡順便儲積分。
至於藍店，唔好意思，完全無幫襯。
但係，坐公共交通工具，我通常會用八達通，因為要攞番政府嘅交通賠償。
強調，唔好同我講呢啲叫「交通津貼」，呢啲叫賠償。呢個政府掌握咁大權，當初無好好把關，而家武漢肺炎肆虐全港，全靠香港人嘅自救意識去抗疫，然後你出少少交通金額，就叫做「津貼」？
呢啲叫做賠償。
呢啲叫做賠償。
呢啲叫做賠償。
政府賠償香港人嘅交通金額，喺 2020 年 7 月 1 日之前，係 HK$ 400 以上先有賠償，2020 年 7 月 1 日以後，變成 HK$ 200 以上就有賠償。
罷用八達通，原則上我係支持，亦有做實際行動。
但講到交通工具，我會同大家講，如果無其他考慮，強調無其他考慮，再三強調無其他考慮，我認為攞足政府嘅交通賠償，係天經地義。
唔好因為見我坐電車用八達通就問：「而家重用八達通？」
你分清楚使用嘅場景，按自己實際嘅情況去處理，我覺得係最合理嘅做法，唔駛事事一刀切。
總結一下：
一，去小店，儘量用現金。
二，去黃店，都儘量用現金。
三，去藍店，你有病？
四，坐公共交通工具，如果你無其他考慮因素，可以照用八達通，攞盡政府嘅交通賠償。
五，有心儲信用卡積分嘅話，可以用八達通個 app 去用信用卡增值，上網自己搵教學。
歡迎討論，但唔好同我講：「而家重用八達通（去坐公共交通工具） ？」
請講出理由，請用理由去說服我。如果單純一句「而家重用八達通」，講真，我係有啲睇唔順眼。
（照片：Jon Tyson）
———
Pazu 薯伯伯的 Patreon 專頁：http://www.patreon.com/pazu
【八達通消費券優惠】高達HK$118八達通增值額 + 總值超過HK$3,000優惠券！可同時賺政府交通津貼！記得早登記先賺賞呀！
👉優惠詳情：flyformiles.hk/40823
🎁登記連結：https://bit.ly/3vQ7xo9
呀！！係二汶同Ian 宣傳嘅八達通消費券優惠呀😍 我開始有心跳了！！！！！喺調教你Mirror裡面，花姐就係要調教Ian要識做返自己開懷咁笑，你睇下佢喺個廣告裡面笑得幾開心😍 笑得幾燦爛～睇到我都開始飄飄然地飄呀～
講返正題先hahaha 消費券終於嚟啦！嗚呀！無論係八達通實體卡、手機八達通卡，定係其他八達通掛飾等，都可以用黎拎呢$5,000消費券架！每日嘅交通，包括搭車、搭的士定泊車都可用消費券！所以超易用到！所以變相係拎消費券之餘，仲可以同時賺埋政府個交通津貼，即係賺多過$5,000呀喂！
另外，八達通首$4,000消費券可於7個月內使用，勁多時間點都用得晒！而剩返個$1,000仲屈機，係無限期用，仲要不限簽賬類別架！
其實收八達通嘅鋪頭真係越來越多，唔單止係小店，即係一般餐廳、超市外，就連電子產品及家具等都買到！例如百老滙、中原電器、蘇寧等等！嚟緊HKTVmall都可以用呀！全面照顧大家日常衣食住行網購需要！日嘟夜嘟非常方便！
未完架！如果你揀用八達通卡領取消費券，就有高達HK$118八達通增值額同總值超過HK$3,000優惠券啊：
1️⃣ 優惠一：首200萬名於政府消費券計劃網站以八達通卡完成登記消費券嘅客戶，並已將該卡加入八達通App，可賺HK$18八達通增值額，零難度！
2️⃣ 優惠二：憑已登記嘅八達通卡，單月零售消費滿HK$1,000 (HK$200元或以上的交易累計)，可賺HK$50元八達通增值額！連續於8月及9月期間可賺共HK$100八達通增值額！
3️⃣ 優惠三：超過10萬個商戶，總值超過HK$3,000商戶優惠，可於八達通App下載！
4️⃣ 優惠四：八達通商場優惠，包括港鐵商場低至83折優惠及新鴻基22個商場合共超過逾HK$300萬電子優惠！
同埋，手機八達通卡仲有額外優惠架！新客戶於iPhone或 Apple Watch加入八達通可獲高達HK$100迎新優惠！而新Smart Octopus in Samsung Pay 客戶可獲HK$80迎新優惠！同埋將八達通自動增值升級自動增值額至$500或$1,000，再送$50增值額！
咁多優惠，大家記得要喺7月4日起登記！咁就可以靜候消費券嘅來臨啦！Take it Easy！放鬆啲啦香港人！
優惠受條款及細則約束。
#八達通 #Octopus #消費券 #獨家回贈 #優惠
小米10 Lite 5G 開箱！貴為香港5G最平行貨手機，究竟喺上網速度、夜拍同埋操作上追唔追到旗艦機？同Galaxy S20 Ultra 5G比較又係點？今集Z世代達人同大家詳細分析！xiaomi 10 lite 5g
之前同大家介紹過嘅5G性價王小米 Mi 10 Lite 5G，大大降低咗5G嘅入場門檻。好多朋友都問可唔可以試下呢部機，咁今日就同大家倣個開箱！
小米10 Lite 5G 用咗高通 Snapdragon 765G 處理器，雖然唔係旗艦級嘅處理器，不過呢粒優化嘅7系高通U亦完全唔輸蝕，首先試吓用5G開網頁同埋睇串流影片，完全無問題！試埋下面有走馬燈嘅複雜串流先！效果一樣流暢！分屏多功使用下，Mi 10 Lite 5G 亦唔見有Lag嘅情況，對於呢粒 SnapDragon 765G 嘅處理器效能同埋小米喺軟件上面嘅優化都相當滿意。
根住我就嚟到旺角，用 Mi 10 Lite 5G 加 csl. 5G 做個測速 5G speedtest！雖然去唔到5G嘅理論峰值，不過睇到時延唔算高，放埋Samsung Galaxy S20 Ultra 比較，速度都差唔多，Mi 10 Lite 5G 絕對無將貨就價！
試埋相機先！小米10 Lite 5G 配置咗4800萬像素嘅主鏡頭、同埋8百萬像素嘅超廣角、2百萬像素嘅景深同埋2百萬像素嘅微距共4個鏡頭，一般生活上嘅景物絕對難唔到佢，微距亦做得好細緻！近年好多朋友都會留意嘅夜拍，我就揀咗影青馬橋嘅夜景，Mi 10 Lite 5G 都Handle倒，放大張相睇下，雜訊唔算高，亦相當細緻，呢個價錢嘅機嚟講，收貨有餘啦！
小米10 Lite 5G 支援兩張Sim卡，不過就無外置記憶卡插位，對於呢方面有需求嘅朋友就會有啲失望喇。另外，如果要用到5G服務，暫時部機就只可以開一張Sim卡，即係要用雙卡雙待就唔可以用5G，不過官方表示，未來將會以更新推送形式，令手機支援5G+4G 雙卡雙待，現階段就唯有等等喇！
比較特別嘅係，呢部機保留咗3.5mm耳機插頭。雖然無線耳機已經相當流行，不過我個人覺得，總有機會要用到呢個插頭，好似我要錄音Clip咪咁，所以都有一定嘅保留價值㗎！
呢部機亦都支援NFC功能。雖然用唔到八達通拍卡買嘢，但係就可以用Google Pay加入信用卡喺各大商戶消費，亦都可以安裝八達通App查餘額或者幫八達通增值。
另外，好多時我買機都會睇下部機支唔支援Wi-Fi分享。唔好同熱點分享搞亂，Wi-Fi分享係可以將你手機收到嘅Wi-Fi分享俾其他機用，有部份機係唔支援㗎！睇下！ 開咗熱點分享之後，Wi-Fi亦無斷！最啱就係出Trip遇到酒店Wi-Fi有連接限制，咁就唔怕有機無Wi-Fi用啦！
以HK$2499嘅價錢來講，呢部機算物有所值，想上5G但又唔想買貴機，呢部小米10 Lite 5G相信都會係你嘅選擇！
之前我哋就介紹過「轉數快」跨行即時轉賑服務，呢個服務已經在2018年9月30日正式推出。究竟有咗呢個服務方便咗幾多？ 等我即刻同大家睇下！
以前經網上理財做即時轉賑，只限同銀行，如果要做即時跨行，除咗一定要在辦公時間內，仲會收幾十到過百蚊嘅手續費。不過呢個服務開通咗之後，各大銀行嘅網上理財同手機流動應用程式就已經更新咗，今日就試下由我恆生呢個測試戶口過錢去星展嘅戶口，睇下得唔得先！
首先我就登入恆生嘅流動應用程式，之後選擇左面嘅「轉賑」，之後揀「第三者/本港其他戶口」，見到呢個新嘅版面，見到除咗以前只可以入戶口號碼之外，仲可以入流動電話號碼、電郵地址等等！我就試下入電郵地址，之後按同意。由於我想過去星展嘅戶口，所以，我要揀埋「收款銀行」係星展，再確認多次資料，就搞掂晒！睇下！星展戶口真係即時會收到相關嘅款項！
好喇，咁要增值八達通，又可以點做呢？其實之前集數都有介紹過，不過今日趁住「轉數快」開通，不妨再同大家重溫下！用以上嘅方式，首先幫八達通電子錢包增值，之後去到Android嘅八達通App，去「OEPay」，之後揀番由OEPay轉出錢去八達通，再進行確認、最後拍卡就搞掂！不過提提你喇，你要首先登記咗你張八達通卡落個App入面，先可以幫張卡增值呀！
不過如果你想幫你嘅支付寶香港或者WeChat Pay錢包增值，方法就有唔同喇。可能呢兩個錢包都有自己嘅P2P系統，所以唔想俾轉數快分薄咗P2P轉數呢個市場，所以，今次「轉數快」嘅服務，佢哋暫時只係支援在應用程式內即時增值又或者提款嘅功能。兩個錢包嘅增值方式都係大同小異，以支付寶香港為例，你只要在銀行戶口增值一項入面，綁定你自己在香港嘅個人戶口，之後就可以透過錢包即時增值，其實都算幾方便！但要留意嘅係系統即時駁住你嘅銀行戶口，你錢包嘅保安就真係要小心D喇！
另外，有唔少朋友問我，一個電話號碼或者一個電郵地址，係唔係只可以用於一個戶口呢？ 其實唔係架！同一個電話號碼或者電郵可以登記在唔同嘅銀行同埋電子錢包，只係大家要揀番其中一樣係「預設」嘅戶口就可以。咁其他登記咗嘅又有乜用？原來轉錢一方一樣可以選擇揀埋銀行，就可以將金額轉到呢個電話號碼在所選擇銀行嘅戶口入面，如果你在該銀行無登記呢個電話號碼亦唔駛擔心，因為系統會即時出現「錯誤」訊息！
《Z世代達人》
麥卓華
redmi9 紅米9 以超高性價比HK$999開賣，呢部有四鏡頭、NFC同真三卡嘅人門機性能又係點呢？今日就同大家睇下！2020新機 redmi9 開箱評測 萬能遙控 xiaomi redmi9 紅米2020新機 redmi 9 review 開箱文 Google Pay
打開機盒之後，除咗手機本身之外，盒入面亦包咗手機軟膠殻、Sim卡針、2A充電插頭同埋一條大USB頭去TypeC頭嘅充電傳輸線。搣開手機保護貼，睇睇個真身先。我就揀咗「晚霞紫」色，睇落外觀唔錯，手機頂部係紅外線收發位，手機嘅右側就係音量同開關掣，底部就有3.5mm耳機插頭同埋USB-C插頭。以入門機嚟講，規格算係OK有突。
redmi9 紅米9 手機正面嘅6.53寸水滴全屏幕效果可以接受，機背亦都用上咗4攝AI鏡頭技術，分別係1300萬像素嘅主攝廣角、800萬像素嘅超廣角、500萬像素嘅微距同埋200萬像素嘅景深鏡頭，陣間再同大家測試拍攝出嚟嘅效果。
Sim卡位喺手機嘅左面，Redmi9 採用咗真3卡設計，同時支擾2張Nano-SIM卡同埋1張MicroSD記憶卡，補番得32GB內存空間嘅不足。支援雙4G同雙VOLTE功能，收發電話唔需要跌番來3G。不過以手上嘅版本來睇，暫時就唔支援VoWiFi功能。
等我爆咗部機試下先！爆完，試下用瀏覽器上一般嘅網頁。可能係啱啱爆完機，又或者背景有嘢做緊，開瀏覽器嘅時候唔太順，反應慢咗少少。不過呢個情況過咗一陣就冇喇，Click落Link以至睇網頁入面嘅片都算順暢。
試埋要求資源較大、有走馬燈嘅新聞直播先！之前試入門機，呢個位都唔太順，不過Redmi 9 紅米9 嘅表現就無問題，睇咗2分鐘有多，中間無疾或者停過，收貨！
小米亦都喺紅米9 Redmi9 加入分屏功能，咁就試下啦！只要喺開咗嘅程式介面長撳住其中一個App，就會出現多個選項，揀番分屏，呢個App就會去咗畫面嘅上面。再喺下面開另一個App，就可以同時操作兩個程式，唔洗撳來撳去！上面一路播緊Video，下面睇Email，Redmi 9 嘅表現一樣流暢，抵讚啦！
頭先講過，Xiaomi Redmi 9 配置四攝鏡頭模組，影相出來嘅效果又係點呢？ 首先睇吓幾張日常嘅風景相，問題絕對唔大，色準同對焦都無問題，放大睇下啲細節位！雖然細節位唔算Sharp，不過唔洗1000蚊嘅四攝入門機，都應該唔會有太高要求！俾大家睇埋微距同景深嘅表現！ 好喇，再睇埋夜景！
總括來講，四個鏡頭表現中規中矩，但係加埋價錢呢個因素，三個字，無得輸！
呢部入門機亦罕有支援NFC、即係可以用到八達通App查數加增值，亦都支援Google Pay。 試下加張TapNGO 落Google Pay去便利店買嘢先！ （出 Approved Screen就去下個畫面）
小米系列嘅手機近年都有部份配置咗紅外線傳輸功能，Redmi 9 就係其中一部。手機內置咗呢個「萬用遙控」嘅功能，入面收藏咗多款唔同電器嘅資料，可以幫你配對，將電話當遙控用。你亦可以去Play Store下載其他有學習功能嘅遙控App，以後搵唔到遙控都唔緊要啦！
呢部機內置咗5020mAh嘅電量，唔只夠自己用，用USB-C線仲可以幫其他裝置充電，當埋後備電用都唔錯呀！
#redmi9 #紅米9 #Z世代達人
八達通app增值 在 購買Nintendo預付序號或預付卡等方法 - 任天堂(香港) 的八卦
適用於香港區Nintendo Switch/Nintendo Switch Lite的Nintendo eShop。 不適用於『SUPER MARIO RUN』等智慧型手機應用程式. 購買方法. ... <看更多>