免費廣告系列等N回，元朗勤記潮州食家！
經過尋日一個咁有爭議性嘅舉動之後，身邊有啲朋友問我會唔會唔開心，係有啲攰啫，唔開心就真係一啲都冇。因為我好肯定知道就算喺度鬧嘅人，佢哋都唔係敵人，大家都有權表達意見，可能大家方法唔同但係我肯定大家目標都係一致。
好啦，瞓醒覺又肚餓啦。搵吓有咩良心店先食先。
其實要有旅行feel ,真心唔一定要去勁fancy 嘅地方嘅。
元朗勤記嘅裝橫好簡單，老實講唔算係有咩design ,但係就令我諗起以前喺台灣排戲時，民宿樓下間小店。入到去坐低竟然有一種離開咗香港嘅感覺。一睇，就知呢間係賣食物質素的。
我食嘅係午餐，肉餅飯，送咗個蟲草花湯同自製菊花茶。再加咗個南薑雞翼。
先講個湯。嘩，真心係似屋企煲嘅老火湯。調味唔會太多，但好足料。唔會見到有重果燒肉骨果啲，真材實料。
個肉餅係有heart 嘅。通常set lunch 老有肉餅，但通常都用碎肉機打到過爛，無哂肉汁。但呢個唔同！雖則未去到手剁咁誇，但係喺同等價錢set lunch 嚟講，係會食到覺得有種感動嘅。
個南薑雞翼，即叫即炸，好果到CLS .見到隔離枱OL，一條女自隊咗兩碟(一碟三隻，全翼)我明。我真係明。
見到長上邊手寫Menu，仲有好多晚市小菜，好多都好想試，快啲解除四人限聚啦唔該，多幾個人可以嗌多幾樣野，我想試晒呢間舖頭嘅每一樣食物！
我唔敢想像自己之前竟然一直錯過呢一間舖頭，成日都經過，但就係冇入去食。
不過我一直都對呢間舖頭印象好深刻，因為之前成日都貼咗好多好有良心嘅標語同埋告示，如之前有啲日子亦都響應唔開門
勤記，將會成為我嘅飯堂！
#免費廣告系列
#良心小店
#勤記潮州食家
#好好食！ @ 勤記潮州食家
