《內銀見底？》
正如預告所講，今日，我係專程同大家討論一個唔多人部署，但近日又升到爆既板塊。拿，其實我唔係想講太陽能、風能，但我見有咁多人咁樣估，我又即管再陳述多次我既看法（其實之前我响專欄度都陳述過）。新能源，本身係一門高成本投入，但係又遲遲望唔到收成既行業黎。其實原因好簡單，就係因為油價平過水已經唔係一朝一夕而係長年累月既事。
無人有動機去用新能源，令新能源既公司長年無收入、虧損，如果唔係國家長期有補貼既話，絕大多數已經執左笠。所以，除左福萊特玻璃（6865）同信義光能（968）呢類有盈利既公司之外，其餘包括金風（2208）保協（3800）協鑫新能源（451）陽光能源（757）甚至係卡姆丹克（712），你一旦高追，至少坐返三五七年，千祈咪因為盲目憧憬國策而高追。
至於我真正想講既，其實係內銀。你見自過去既星期一開始，包括工行（1398）中行（3988）同建行（939）都大漲小回左兩大棍，累積升幅約莫一成左右。升因主要係有傳阿爺放寬讓利（以平息房貸，以提振經濟）既指引，觸發市場對內銀盈利受壓既憂慮減少（起碼唔會好似剛剛果一季咁，間間國有行既盈利都倒退一成）這就令好多人都問我：到底內銀係咪見左底、可以買？
我承認，三大行之所以由七月開始一直跌，好肯定係炒作緊業績既利淡。因此當呢個消息一出，正路係解除左大家唔少心結。不過，有關於全球低息，銀行淨利息差收窄，疫情拖垮經濟，各行各業既壞帳急增，都係不爭而且暫未能夠扭轉既事實。所以，我暫時既判斷係：內銀可以收復到部分既失地，但就唔係全部。低息環境，中、外資既銀行一樣受害，亦未必因此而長線見底。
長話短說，响三大行既均線依然空頭既情況下，我預期目前只不過係短線反彈，目標睇5.00（工）、2.90（中）同6.10（建），即係現價只有13%、13%同9%左右既水位，其實大把強勢股都唔止。至於長線既部署，老實，大家知我從來唔鍾意賺息不過蝕價，所以三大行我就唔推介喇，要儲，寧願儲價格長期穩定（其實唔洗強勢／升架）但又逗到息既招行（3968）喇，考慮下丫！
😉
#新能源 #光伏股 #內銀股 #見底未
信義光能 在 【3分鐘熱炒股點評】信義光能(0968)績後急插！黃瑋傑籲持貨 ... 的八卦
【3分鐘熱炒股點評】信義光能(0968)績後急插！黃瑋傑籲持貨者跌穿止蝕位必走！｜嘉賓：黃瑋傑｜2023-02-28│開市GoodMorning節目精華. ... <看更多>