遊行集會持續接近四個月，琴日更有中五學生被實彈射穿肺部。愁雲慘霧嘅香港，一班港台藝人喺微博熱烈慶祝十一，名單眾多，包括成龍、王祖藍、林憶蓮、莫文蔚、楊千嬅、容祖兒、佘詩曼、謝霆鋒、李克勤、彭于晏、張衛健、肥媽、古巨基、關智斌、李施嬅、阿嬌、阿漿、胡杏兒、楊怡…… 等等
消息傳出，港網民負評如潮，當中網民反應最激烈要數阿 Sa 同張敬軒，事關除咗微博，阿 Sa 將祝賀字句放埋上 IG，寫住：「One day off」「Happy National Day」，被超過二千個留言狠批，更有不少忠粉表示「好失望」「今日唔係值得開心嘅一日」「中槍喎」
寫上「祝福祖國生日快樂！」嘅張敬軒，IG 被近五千個留言狂轟，軒仔承認自己「抵D（Diu）」「D得好」，又通宵回覆一班失望粉絲嘅負評：「我簡直係個仆街。」「多謝你曾經支持，足矣。」「你要帶眼識人，尤其係我呢啲咁嘅藝人，咁嘅人唱埋啲咁嘅歌，再聽都係嘥時間。」等等，仲講到無心情做 11 月演唱會，回應眾多不能盡錄，更被指串爆粉絲，話會回收唔想再睇演唱會嘅粉絲張飛，被指令人失望。
而家嘅香港，要討好兩面做世界仔世界女已經好難，因為世界已經變咗亂世。喺香港人傷心嘅時候補刀，令大家失望，諗起杜汶澤之前有個訪問講：「香港人大多對娛樂圈有個迷信，希望公眾人物替他們發聲，但這是期望太大，大部份藝人情緒混亂、社會意識低的一群人，別想讓他們幫你什麼，不少人只知道法拉利出了甚麼新款式而已！」有啲藝人社會意識低，或者思緒混亂想討好每面，或者公司無乜 awareness，擺藝人上枱硬食，咁你對佢地嘅期望就會落空。（如有的話）
所以，好 appreciate 有好多繼續發聲嘅藝人，但唔會比太大期望去每個藝人度，FF 佢地點樣發聲。事實上，香港有好多好多好多好多好多人出緊力，將期望擺喺正確嘅地方上啦。
#利申 #離咗婚 #彭太NoMore #無做黃面婆了
#撐嘅繼續撐 #離開嘅離開 #粉絲有自由 #尊重粉絲每一個決定
#有好多fans好傷心 #心痛大家 #香港人繼續加油
佘詩曼 ig 在 Woof! on Instagram: “@charmaine_sheh #sheh #佘 #佘诗曼 ... 的八卦
Apr 9, 2021 - 114 Likes, 0 Comments - Woof! (@dukeofc19) on Instagram: “@charmaine_sheh #sheh #佘 #佘诗曼#佘詩曼#佘詩曼charmaine #佘詩曼charmainesheh ... ... <看更多>