Search
一個嚟自摩洛哥，一個生於香港，點會冇文化差異？！其實我哋喺食嘢方面堅係好唔夾：佢地食超濃味，淨係煮餐飯用嘅pepper都有N咁多種颜色同味道，而我就乜都少油走糖減鹽🤦🏻♀️仲有我係勁蒲茶餐廳嘅麻甩女，佢陪過我一次之後就話想申請以後豁免😩而我哋唯一好夾嘅....只有日本菜😅😅
佢又識book呢間😎話對住個獅子山🤪所以呢日食得好開心，白松露茶碗蒸，銀鱈魚西京燒，最精彩冇得輸嘅係松葉蟹雲丹天婦羅🤩🤩
#新婚的日子 #仲有好多嘢要適應 #有咩相處之道可以教下我 @bibiloveslife #情人節套餐 #帝京酒店 @royalplazahotel
@ 帝京酒店-Lion Rock
唔知大家有冇聽過銅鑼灣有個金花油婆婆？
我都係近來先知。
金花油其實即係山茶花籽油，山茶花籽油對皮膚係好好架!!好多護膚品都有加入到呢個成份，佢既養份可以畀皮膚好直接快速咁樣吸收到底層，而且對於一啲成日敏感，有濕疹，乾燥嘅皮膚特別好。
今次我就買咗兩隻傳說中好用嘅山茶花籽油試，一隻就係同仁堂買嘅金花油(即銅鑼灣金花油婆婆個隻),另一就係 仁光堂賣嘅山茶花籽油,兩個都係本地生產，亦都係山茶花籽油嚟，不過質地同味道唔一樣。
每隻牌子我都分別試咗一個禮拜，(後來同仁堂個隻再用多一星期，total 3weeks).
提下大家，如果你本身係容易生暗瘡嘅，我自己用兩隻時頭一兩日都有爆咗少少粒粒，咁之後你適應咗幾日就冇再有粒粒㗎啦。
不過如果你個底係污糟嘅話，或者長期用好多skincare.....都有機會會推d污糟嘢出嚟架下！！
So far我連續用咗三個禮拜山茶花籽油，我覺得皮膚有白咗少少，而因為呢個天 氣，所以滋潤度係啱啱好嘅。夏天可能我就唔得了。
感覺上毛孔有收細到，不過大家講嘅金花油可以緊緻皮膚我就仲未見到。可能我平時亦都唔係真係好鬆啦。
同埋，如果你用油嘅話呢最好真係要加番起碼三至五分鐘嘅按摩，等佢吸收得好啲!!
兩隻油都不錯，係質地不一樣，片裏面都有同你哋講架。
如果你哋都有發掘到一啲天然好用嘅護膚品嘅話，一齊大家分享下啦!
#maysum #天然護膚 #金花油 #山茶花籽油 #仁光堂 #北京同仁堂
齊齊地為床 天為被—序章—
今年想行富士山有兩個理由 ❶ 想係35歲之前，自己身體仍然冇病痛做自己想做嘅嘢 ❷ 浸淫喺日本文化成長下嘅80後，想更加深入了解呢座世界文化遺產活火山——富士山??????
嚟咗日本之後發覺自己想做嘅嘢多咗好多，而且日本比香港地大物博，接觸到嘅新事物機會同樣較多，資源分配亦唔會一面倒只係傾向大陸人?早係三月嘅時候丫仁已經開始徵召各路嘅勇士陪同征山，結果成功爭取組成一行七人，集勇氣、毅力同經驗於一身嘅「活力爆棚童顏組」齊齊向富士山出發??????隊中有香港行山經驗嘅同學、亦有曾經上過富士山嘅朋友、仲有喺歐洲行山經驗老手??陣容咁強勁，又點會有問題呢？
出發前一星期緊張到不得了，但由於裝備要係出發前一日先送到黎，所以只能夠放到屋企嘅一角等入袋??♂️係「そらのした」上網租咗一set7樣用品，有齊登山嘅必需品例如大容量背囊、爬山厚底鞋、二刀流行山杖、防風褸及褲、頭燈同補暖外套，寄到去屋企都只不過係13,400円?佢個網頁有齊中英對照，唔識日文都唔使擔心！你可以選擇送到去酒店，再經任何一間便利店寄番件回去亦得，得咗?完全方便觀光客兩手fingfing 就去爬山（來回運費都只不過¥1000?，抵俾）咁我一早就可以輕鬆着住成套裝備出發，唔使係五合目換衫慳返唔少時間???? 點解租？因為如果我今次成功制霸富士山頂的話，應該唔會再有第二次上山吧，說到底丫仁都唔係outdoor型?
放工之後即刻返屋企執行李，又要拍片影相等等都真係異常忙???越執就越覺得有好多野甩漏，兩點仍然仲處理緊上山嘅瑣碎事，無奈又要五點起身，只好乖乖地唞一唞補一補眠就起身出發！
我哋始終都係第一次行富士山嘅新手初哥，選擇咗難度最低但相當費時嘅吉田徑行！我哋喺新宿集合再搭京王電鐵到河口湖轉巴士，車程約兩個半鐘¥2100左右一程！搭巴士亦要買兩日券¥2200/人???計埋裝備，登一次山其實同滑雪差唔多價錢?
一個鐘頭嘅巴士車程車到我哋去最近嘅山口五合目！！合目（ごうめ）係等於check point / station 識別。
❶ 五合目
❷ 六合目
❸ 七合目 （距離最長嘅路程）
❹ 八合目
❺ 本八合目
❻ 八本五勺（人稱8.5合目）
❼ 九合目（最懸崖峭壁嘅難位）
❽ 山頂
共8個check points?而大部份嘅山小屋（やまごや）都位於七同八合目。因為正直行山旺季，早係五月嘅時候想開始電話預約小屋都打唔通。原本想選擇距離山頂近啲嘅人氣山小屋——御來光館，用盡方法都做唔到登記，大概星期六日嘅空位應該爆曬????退而求其次，我哋揀咗喺八合目元祖室，但願有一餐飽飯來暖暖個胃。
上到五合目已經有成海拔2200米左右，而且溫度由河口湖嘅33度驟降到最適合人類生存嘅溫度，超爽YY嘅15度左右??????受氣壓影響，朋友帶來嘅平時薯片、濕紙巾密封包裝都已經脹過醬爆??我哋要等身體適應高海拔，所以我哋要係五合目休息至少30分鐘先可以出發。五合目個大空地前見盡人生百態，有人做熱身拉筋、有人買糧食衝刺；有人去神社參拜保平安，亦有人寄明信片；丫仁當然要去買一支必買留念佳品——金剛棒，於每個check point到印一個特別嘅燒印，證明自己有到過呢個地方??????
金剛棒有長有短，任君選擇。有人買長嘅當行山杖，短的就當紀念，價錢有¥600到¥1500不等。我哋做完熱身，搽好防曬就圍埋一齊柴娃娃叫口號：「がんばるぞーAAO?」
2018年7月21日12:45為我地登上日本之巔，展開一生難忘嘅登山旅程?????????
ps：應該會係第一次打內容同多啦A夢大長篇差不多嘅遊記
第1章：
https://www.facebook.com/WHJP2015/posts/2612960658930090
第2章：
https://www.facebook.com/WHJP2015/posts/2619351031624386
第3章：
https://www.facebook.com/WHJP2015/posts/2627141754178647
第4章：
https://www.facebook.com/WHJP2015/posts/2635127250046764
懇請大家陪住【丫仁】成長，緊貼我最新動態 ♫
分享在日期間的生活，點滴累積成長！
【丫仁】's FB：https://www.facebook.com/WHJP2015
仲有，緊係要【Subscribe】我既youtube channel啦！
