《四大煮食貼士！令番薯更有營更甜！》😋
想去水腫？想便便暢通？想減少面油？想增強免疫力？
唔需要買昂貴嘅superfood或supplement，只需要最平嘅番薯就得啦！因為番薯含有豐富鉀質、纖維、胡蘿蔔素，一次過補足晒你以上四個健康願望！🍠🍠🍠🍠🍠
不過原來煮食方法都好重要！明明係同一款番薯，識得煮，就可以令佢更甜更有營！等我分享四個煮食秘訣俾大家啦！😘
1. 唔好烚！如果將番薯放入水烚，番薯中部份鉀質、水溶性維他命、胡蘿蔔素（黃番薯）/花青素（紫番薯）會流入水裏面㗎！蒸或者焗會好啲！
2. 焗最甜！大家睇唔睇到番薯表面嘅焦糖？喺無水嘅情況下，番薯會有「焦糖作用」，變得更甜更好味！
3. 加啲油！黃番薯中嘅胡蘿蔔素係脂溶性維他命。所以加一茶匙油，或者配有油嘅食物一齊食，都會令身體容易啲吸收胡蘿蔔素，繼而有助提升免疫力同平衡皮膚油脂分泌！
4. 雪凍食！番薯煮熟後雪凍，會製造抗性澱粉，所以要用長啲時間消化。換句話講，即係會令血糖平穩啲，飽得耐啲！而且抗性澱粉可以幫助益生菌繁殖，有益腸道健康添！
我逢星期日會一鍋過，煮定一星期份量嘅番薯，放入雪櫃。之後朝早食嘅時候先放入微波爐加熱，又方便又快捷！即使再次加熱，都唔會破壞裏面嘅抗性澱粉同營養㗎！係咪好簡單呢？大家都快啲試吓啦！一齊越食越健康😘😘😘
#見到焦糖嗎 #nofilter #減肥都要食得好
#越食越瘦 #越食越靚
#又美肌又減肥 #仲可以防癌降膽固醇添
