⚠️⚠️⚠️內有粗口
有日一對父女嚟到診所。
登記後，佢哋行去坐低～
等呀等呀等，都仲有幾個先到佢哋。
我聽到阿女同爸爸講：「老豆，我哋仲要等幾耐呀」
爸爸：「西知咩」
阿女唔出聲～
唔駛一分鐘，阿女又問：「老豆，我哋咁等，啲雪條溶晒啦」
爸爸彈起身：「屌！係喎！唔L記得咗有雪條！」
爸爸好緊張咁行埋嚟：「喂，我哋成咋雪條喺度呀，可唔可以嗱嗱聲俾我睇先呀？」
我：「你會唔會返咗屋企放低咗之後先再過嚟呢？你仲要等六個啊」
爸爸：「我人都喺度囉，仲行去邊西度呀？」
我：「你返屋企放低咗先再過嚟啦，就算俾你睇先都要等拎藥呀嘛，都冇咁快啊」
呢個時候阿女大嗌：「老豆，佢哋唔得啦！」
爸爸回頭望見到阿女手握住條雪糕：「戇鳩你咪掂啦！你掂一掂溶過你老母個西呀！」
我想問個西會點溶法呀？係咪另類形容多汁JUICY咁解呀？真有性福啊！
阿女嚇到即刻放手，一條溶過嘟嘅雪條就咁跌咗落地。
爸爸望到咁樣『屌』咗一聲，之後擰返轉頭同我講：「你見到啦，我已經冇咗一條雪條啦，我唔想連其他都冇埋呀！」
爸爸愛護雪條之心，令我好動容，不過我又冇份食…
我：「一係你問吓排你前面嗰六位呀」
我望望坐喺出面嘅人：「ER…應該有兩個未返」
爸爸：「我要問晒先可以睇先呀？」
我：「係呀，佢哋俾你睇先就冇問題啦」
爸爸向出面嘅人大嗌：「聽到啦！俾我睇先呀？」
…有事求人都咁嘅態度，你係得嘅！
眾人迴避爸爸嘅目光，爸爸同我講：「得啦，問咗啦，冇人出聲OK啦」
你肯定咁係OK嗎？
我問坐喺出面嘅人：「係咪可以俾呢位先生睇先？」
眾人唔出聲純粹擰頭…
爸爸見到咁：「屌，成班仆街過西，女！執嘢！行！」
阿女快快手執起地下枝雪條袋返好，急急腳跟住爸爸離開診所。
然後就沒有然後了…
事求人 在 歐洲天然氣價暴跌93%！或很快0元以下求人買 - YouTube 的八卦
或很快0元以下 求人 買，能源怎不危機了？ ... 是暴跌，貿易商和行業官員警告，今年夏天部分地區的天然氣，甚至可能跌至0元以下，這究竟是怎麼回事呢？ ... <看更多>