《移居沖繩 實際經驗 第三篇～搵托兒所！》
2016年四月，當時匯率是100円：7.4HKD
我從來都係玩樂至上嘅老豆，成日捉個女去玩，去行山，爬石，游水。從來都覺得，幼稚園是不需要認真對待，想幾時放假就幾時放假，放假去玩對小朋友咪仲有益。呢啲係大人一廂情願嘅諗法。Mia在香港返了幾個月中文幼稚園。幼稚園的歡笑，幼稚園的同學，令我們開始重視幼稚園。（有陣時佢早上唔可以起身，我哋會同佢講，咁我哋代你返，佢便即刻彈起身，同喊，話『唔得！』）。因為她非常喜歡香港的這所幼稚園，所以我們延遲了起行時間一個月。最後一天離別，真係可以喊出來！現在她仍然會提起老師同學，這就是我們心目中的一所好學校。
當我們決定去沖繩時，媽媽已經着手為Mia 找學校。我們只有一兩個目的: 不可有功課嘅壓力; 能夠愉快學習。沖繩制度，四至五歲開始幼稚園，讀一年或兩年，甚至不讀也可。六歲開始已經是小學。幼稚園之前是托兒服務，叫保育園。不同的保育園，收取小朋友的年齡不同，有些小至0歲，已經可以寄存，方便父母上班。但通常至五至六歲，因為幼稚園開始，通常上午返學，放學後有園內托兒服務。用阿囡嘅口語解釋是：『爹爹媽媽去返工、扔低小朋友嘅地方！』我乘機問Mia想唔想去保育園，她說很想返，因為有好多BB玩！咁我們便放心了。
獲認可的保育園（政府和私人都有），收費與交稅金額掛鉤。全日托兒由0到5萬幾円不等。
沒獲認可的私人托兒所，大概2-4萬円，年紀越小越貴。
2種都是：第二、三個小朋友（弟妹）有折扣！
沖繩學校分配制度跟很多鬼老地方相似。公校是以地區分配，你住在哪一區，便會入哪間學校。因為我地還未决定國際學校，還是本地學校，所以我地搵屋時，為了可以以一間較好聲譽的小學做安全網而收窄範圍（→題外話：其實因為有此目的所以反而喺激多樓盤中可以好專注咁選擇，變相省左時間！）
當我們到步的時候，我們仍然是旅遊簽證，所以沒有為女兒考慮幼稚園（除非國際學校），只可以幫她找私家寄存服務。
我們一開始的目標是雙語或英語保育園。
好！開始聯絡保育園！當真正開始做調查的時候，原來大部份學校老師的母語也不是英文！擁有以母語為英語的老師的學校最後選擇只有兩三間。
其中一間在美國村附近，由美國人開設。但是當他們回覆的時候，我們才知道，這間學校不接受美軍以外的任何人。如果沒有SOFA ID （美國軍人及家眷身份），不可以入讀。（順帶一題，在沖繩美軍基地附近有一些商店是美軍直接管轄的，跟隨美日協議；如果你沒有SOFA ID, 你就要叫朋友幫忙才可購物。例如潛水店、二手車行。未來我會作詳細解釋。）
沖繩的國際學校，有一間在那霸市區，校譽不錯。由上校車到校車送返屋企附近，上學加托兒差不多11個小時，大概10萬円。（香港..每個月幾個小時playgroup已經收8萬円了！）但是上網看過他們的小朋友片段，英語口音重、不符合我們預期。因為老師的母語不是英語，所以放棄了。
最後明查暗訪之下，搵到兩間雙語托兒所／幼稚園，英語為母語的老師任教，日文....梗係日本人啦吓嘩～
第一間，BB（一歲半開始）寄存服務至小學一條龍。離開屋企30分鐘車程，近我潛水地方，所以距離唔係太大問題。
第二間，兩歲開始至六歲的保育園，沒有可直升的幼稚園。可以騎牛搵馬讀住先。車程離開屋企10分鐘，當然非常方便！如果托足全日（9.30-5.00pm）大約80,000円。
最後，我們選擇第二間。因為教學方式符合我們希望。第一間學校是非常注重學業程度，我們參觀的時候， 清楚說明比較多打印作業。 佢地講到呢度....『唔， 我突然醒起有啲野做，走先！』就此謝過，後會無期！
第二間，沒有豪華設施或什麼特別課程，老師卻有三四個，校舍只有3-400尺，全園只有十幾人，就只會唱歌跳舞說故事。小朋友圍着老師聽故事。唔使考慮，就呢間啦！我地決定寄存5小時，一個禮拜3次。都係諗住比佢適應日本為主，等佢認識新朋友。
我們傾向快樂地學習，學術程度..... 你怕他們不會嗎？我們喜歡沖繩其中一個大原因，是德育。小朋友純真，樂於助人，這些德育，是要從小培養，耳濡目染。教不來的！
以下兩個親身經歷，其中一個已經寫過，但是沒有說詳情：
https://www.facebook.com/okiokifamily/posts/479792222205463
這兩個小孩，至少五六歲，他們過來問我在是什麼時間，因為言語不通，所以我給他們看我的電話。但是無論指針或數字，他們也看不懂。最後打電給老婆，叫佢做傳譯。當我見到這情況，我馬上想：正！呢啲就係我想要嘅學習！學術放埋一邊，最緊放學有得自己去公園同朋友玩，學點樣同人相處及做人！
https://www.facebook.com/okiokifamily/posts/528046294046722
大約兩年前去沖繩旅行，阿囡只有兩歲。行得不穏，但是又要自己過河，過得好慢。過咗一半嘅時候，對面有個四五歲的姐姐，同樣想過河，但係小石路只可以容納一個通過。當阿囡去到最後一塊石頭嘅時候，姐姐突然間開始有所行動。我們以為她會繞開Mia過河，她卻蹲下來，伸出雙手，幫Mia過河。那一刻，我暗暗同自己講，我要個女在這些地方成長！同一時間，也暗自慚愧，誤會了她。
當新學校開始，Mia 用一兩天適應，跟着便非常開心。她的日文和英文，同時間進步神速！日文只是一個月，便完全超越我！所以我們非常開心！因為，我們開始一個星期亦有三日半天假期了！（我相信各位父母非常之明白！）
為着盡快令我們可以一星期放五天假，亦都是時候，要認真選擇幼稚園了！
P.S. 返左兩個幾月學之後，Mia突然間有一排悶悶不樂，好唔想返學！我們和先生很擔心！用咗好多日，細問之下，發現她因為向男生＂表白＂但＂被拒＂，所以唔．開．心！大佬，四歲半，點樣估得到因為失戀所以唔鍾意返學！最後同先生講。之後先至知道，先生嘅解決方法就係，捉個男仔過嚟，話佢唔係唔中意Mia，氹佢同Mia 講，我都鍾意你㗎！The End! Happily ever after! （其實都唔知咁做啱唔啱..... 都係少啲插手。唉....佢而家同時鍾意兩個男仔......)
一歲bb行山 在 【親子好去處】挑戰！獨自帶1歲BB放電一天..結果係媽媽無電 ... 的八卦
Comments · 【親子好去處】上水農莊刺激遊樂設施任玩大草地跟小動物玩環保工作坊橫水道笑聲正能量 行山 好去處｜親子好去處｜香港好去處｜香港農莊香港旅行獨 ... ... <看更多>