有見大家見香港博客係日本嘅餐廳叫左一杯酒坐左兩粒鐘又唔嗌野食，最後仲留左外來垃圾係店內，店家不滿直稱佢係香港之恥，香港人一見到就好大反應，覺得果位日本博客影衰佢地，仲去同店家道歉。
講真，香港人嘅行為喺外國嘅禮儀真係唔可以話好好，好多香港人口口聲聲鬧鄰近地區嘅遊客，但事實去到新宿、心斎橋等地時聽得最多最大聲嘅語言8成都會係廣東話，係我地香港人講果種廣東話。
我又聽過話兩至三個香港人入黎淨嗌一個おまかせ share 食，一個おまかせ十件壽司左右，咁細件可以分黎食都幾困難。
但嗌野食嘅人都可以做d好失禮嘅行為架。
有次見到一家人茶屋，店員叫個香港女人唔好影佢地，仲用廣東話話：「咁我偷影囉。」就拎出香港人嘅武器—影相冇聲嘅電話，繼續影店員沖茶。
仲有我呢張相，其實係我6月時同兩位同事去日本為我本《如果我在東京不快樂》影內頁同封面時，去日本築地一間鋪頭嘅時候，有個人係我唔知嘅情況下影左我嘅相。大家應該知道日本有肖像權，係唔可以咁樣偷影人的。
我知道做得所謂（近排d人好鍾意講嘅）KOL，比人認到或者係好事，但呢個行為叫做盗撮。除左犯法以外，其實令人感到不安仲會為人帶黎困擾。
係日本你想影店家、想影街上經過好靚既日本妹、想影你認得嘅香港人，你都禮貌地問下，佢地真係未必一定拒絕，如果拒絕，點解仲要強人所難偷拍？呢d就係你地嘅禮貌？
返到香港，冇規矩喇，就照偷拍人嗎？我成日食食下飯都有朋友提我：「有人影緊你。」，難道真係要好似成龍大哥講果句：「_ _ 人是要管的！」？
最後，去旅行，嘗試放下手機相機吧。就好似前排嘅super moon ，我都好肯定同你講，肉眼睇嘅super moon，會靚過係mon度睇。
做個精明、守規矩、令人喜愛的遊客，好好享受你們難得的假期吧。
#一国二制度一クオリティ
#困ります
#盗撮厳禁
#偷拍真係為我同我嘅家人朋友帶來很大的困擾和傷害
#請自重
一国二制度一クオリティ 在 比村奇石 on Twitter: "一国二制度一クオリティ" / Twitter 的相關結果
2016年9月4日 — so sad. 2. MOK ⚔️ · @MysticMOK. ·. Sep 4, 2016. Replying to. @Strangestone. 制度()もクオリティもありませんからね今の香港は… 1. ... <看更多>