【#聲些戀愛了😍2月豪斯登堡鬱金香祭！🌷】
鬱金香嘅日文名非常可愛，叫「#チューリップ」（chu-rippu）。其實係英文「#Tulip」嘅片假名拼音，搞笑玩諧音，又可以當佢係「Chu Lip」👄，所以每次見到春天當造嘅鬱金香，總覺得佢代表住「春天之吻」有一份春天戀愛嘅感覺。
每年2月到7月，係位於長崎縣佐世保 #豪斯登堡（#ハウステンボス・hausu tenbosu）嘅大型花卉展覽。5月初夏有玫瑰花展、6月有繡球花。至於嚟緊2月，春天嘅腳步聲越嚟月近，就係時候欣賞100萬朵超夢幻嘅 #大鬱金香展。
豪斯登堡出名夠哂歐洲風味，有阿姆斯特丹廣場嘅紅磚建築，仲有荷蘭風車做背景，一朵朵鮮艷鬱金香靚到冇朋友。踏入3月，仲有10萬朵 #豪斯登堡鬱金香（#バスチオン・basuchion）展出！竟然有以呢個主題樂園命名嘅鬱金香，係咪太有型？朵朵都好似裙腳花邊咁，勁可愛！唔單止有鬱金香，同期仲有全日本最盛大嘅 #蝴蝶蘭（#コチョウラン・kochoran）展覽。展覽以「蘭の宝石箱」爲主題，6個不同景區都同寶石有關，聲些最想去「#蛋白石之戀心」（#オパール色の恋心），鮮艷嘅蘭花配合純白房間，係咪好有現代藝術感？仲有「#綠寶石的絕世美女」（#エメラルドの絶世の美女）係一條蘭花隧道，入去打卡，聲些都可以扮絕世美女啦。🙈
我知你實會話，又係得個睇字，都唔知幾時有得飛。聲些唔會同你講睇咗當去咗，淨係知唔理今年定出年，好快就可以置身其中打卡呃LIKE。嚴冬過後是春天，應下節買支粉紅色鬱金香放響枱頭，望住佢，就feel到下一趟長崎之旅不遠矣。
照片提供：豪斯登堡
➖➖➖➖➖➖➖➖
👉 追蹤 #PEGGY先生 👉
#ペギー先生 #peggysensei #フォロー宜しく🙋🏻♀️
🔵 F B 🟤 I G 🔴 Y T 🟠 M W
➖➖➖➖➖➖➖➖
エメラルド 宝石 在 宝石大学#17「エメラルドの歴史」絶世の美女が愛した宝石 的八卦
GSTV 宝石 大学 第17回は「 エメラルド の歴史」 絶世の美女が愛した 宝石エメラルド をご紹介します！ GSTVは日本で唯一の 宝石 専門チャンネルです。 ... <看更多>